Davíð og Golíat...

Er búinn að fá ansi skemmtilegar söguskýringar í dag frá farþegunum. Það má t.d. líkja Glitnsmálinu við söguna um Davíð og Golíat nema hvað að hið rétta nafn Golíats núna í nútímanum er Davíð og  eins furðulega og það hljómar þá er Jón Ásgeir Davíð. Skv. sögunni þá er ballið ekki endilega búið hjá Davíð þ.e.a.s. Jóni Ásgeiri... sem vel á minnst einhver lögregluforingi suður með sjá á að hafa neitað að handtaka og uppskorið fjársvelti, einelti og allskonar skrítinn sandkassaleik frá.... ja ....ekki getur verið að bláa höndin hafi svifið yfir á Suðurnesin??? Allavegana þá eru sögurnar sápuóperu líkastar þessa dagana...

 

 

Allir að svara skoðanakönnuninni svo hún verði sem marktækust

Einn þreyttur...

Óheppni/heppni sumarsins.?

Maður sofnaði í leigubílnum hjá mér eina helgina í sumar. Það var sama hvað ég öskraði í eyrun á honum og hristi hann til, hann bara vildi ekki vakna og ákvað ég að fá aðstoð lögreglunnar við að ná karlgarminum út úr bílnum sem var mjög auðsótt mál. 3 fílelfdir lögregluþjónar voru ekki lengi að redda manninum út úr bílnum og buðu honum ókeypis fylgd heim en þegar kom að því að gera upp leigubílinn byrjaði karlinn einhvern leikaraskap en hann dró þó að lokum upp VISA-kort úr brjóstvasanum og rétti mér enda umkringdur fílelfdum lögreglumönnum. Ekki vildi þó betur til en að fullur poki af hvítu dularfullu dufti fylgdi óvart með kortinu. Lögreglumennirnir litu hver á annan og svo var maðurinn umsvifalaust handtekinn. Heimfylgdartilboðið var snarlega dregið til baka en maðurinn fékk þó í kaupbæti ókeypis gistingu á Hverfisteininum.

Veit ekki hvort þetta tengist frekar heppni eða óheppni en tengist þó óumdeilanlega öðru hvoru hugtakinu.

Það væri gaman ef fólk ætti skemmtilegar sögur til að deila með okkur hinum.

Allir að svara skoðanakönnuninni svo hún verði sem marktækust